კვლევის მნიშვნელობა მართლად დიდია. ეს არის თემა რომელზეც თვალს ვერ დავხუჭავთ და რომელიც აუცილებლად უნდა მოგვარდეს თუ გვინდა ისეთი სახელმწიფო გვქონდეს რომელიც მისაბაძი იქნება სხვა ქვეყნებისათის. საქართველოში უმუშევრობის დონე (2016 წლის მონაცემებით) 11.8%-ს შეადგენს, თუმცა, დასაქმებულთა შორის დაახლოებით 50% თვითდასაქმებულია სოფლის მეურნეობაში, თუმცა მცირე შემოსავლების გამო ისინი დასაქმებულად არ თვლიან თავს. როგორც უკვე ვთქვით ეს დიდ გავლენას ახდენს ცალკეულ ოჯახებზე. ზოგიერთ მათგანს აქვს მხოლოდ იმის საშუალება რომ საკვები პროდუქტები იყიდოს საკუთარი ხელფასით და ელემენტარული პირობები დაიკმაყოფილოს, ზოგ ოჯახში კი მცირეწლოვანი ბავშვები იზრდებიან და მშობლების უმუშევრობის გამო მათ უწევთ შიმშილი და რთულ ვითარებაში ცხოვრება, რაც შეეხებათ ასაკოვან ხალხს რომლებიც ასაკის გამო ვეღარსად იწყებენ მუშაობას, ისინი ვერ ახერხებენ ელემენტარული მედიკამენტების ყიდვასაც კი. ეს ის პრობლემებია რომელიც ჩვენს დედაქალაქში ძალიან ბევრ ოჯახს აწუხებს და აუცილებელია მათი მოგვარება.

სამუშაო ადგილების ნაკლებობა თბილისში და რა გავლენას ახდენს ეს ცალკეულ ოჯახებზე